BATXILERGOKO ARRAUNLARIEK: DENBORALDI BIKAINA!
Historia egin dute gure Batxilergoko arraunlariek, denboraldi ahaztezina borobildu dute. Batxilergoko ikasketak eskatzen duten ahaleginarekin batera, kirol mailan emaitza historikoak lortu dituzte, herria eta ikastetxea harrotasunez betez!
NESKEN GARAIPEN HISTORIKOA: HIRUTIK HIRU!
Lehen aldiz, Ondarroako Arraun Elkartearen izenean, gure Batxilergoko neskek balentria handia lortu dute. Batel denboraldi ezin hobea osatuta, hiru txapelketa nagusiak irabazi dituzte: Bizkaiko, Euskadiko eta Espainiako txapeldun bilakatu dira. Mugarri bat gure kirolean eta emakumezkoen arraunaren historian!
Ontziko neskak: Izar Osa, Naroa Badiola, Irati Aranburu, Izaro Oñederra, Aiza Gandarias, Elaia Arriluzea, Izaro Bengoetxea eta Nahia Suárez.
MUTILAK ERE PODIUMEAN!
Mutilen ontziak ere maila bikaina erakutsi du denboraldi osoan zehar. Bizkaiko eta Euskadiko txapelketak irabazi ondoren, Espainiako Estatuko txapelketan brontzezko domina lortu dute, estatuko onenen artean daudela berretsiz.
Ontziko mutilak: Jon Artetxe, Markel Barrenetxea, Mikel Idoyaga, Txomin Ituarte, Unai Gutierrez, Anartz Martino, Julen Outeiral, Enetz Retolaza, Haritz Etxebarria
IKASTETXEAREN IZENEAN ZORIONIK BEROENAK HELARAZI NAHI DIZKIZUEGU EGINDAKO LANAGATIK. BATXILERGOKO EXIGENTZIA ETA GOI-MAILAKO KIROLA UZTARTUZ, EREDUGARRIA IZATEN ARI ZARETE!
