Eskola inklusibo batek bere ikasle guztiei hezkuntza aukera berdinak eta beren aurrerapen akademiko eta pertsonalerako behar duten laguntza eskaini behar dizkie. Testuinguru horretan BIDELAGUNA programa sortzen da. Gure ikastetxean oso finkatuta dagoen DBH 1. eta 2. mailako ikasleei zuzendutako programa da, eta bere helburu nagusia eskolaz kanpoko orduetan errefortzu saioak eskaintzea da.

Proiektuak lehentasuna ematen die gizarte-desabantailan egoteagatik zailtasunak dituzten ikasleei eta eskolan atzeratuta dabiltzanei.

Irakasle taldeak proposatzen ditu programa honetan parte hartuko duten ikasleak, eta familiak ere inplikatzen dira, baliabidea aprobetxatzen laguntzeko konpromisoa hartuz. Taldeak ez dira itxiak izango; ikasturtean zehar ikasle gehiago sar daitezke laguntza-programa honetan, behera uzten duten edota konpromisoa betetzen ez duten ikasleen hutsuneak betetzera.